တရားအလှူနဲ့ပတ်သတ်ပြီး ရှင်းရှင်းသိချင်တယ်။ ဘယ်လိုအရာမျိုးတွေဟာ တရားအလှူမှာ ပါဝင်သလဲဆိုတာကို ဦးဇင်းဆိုဒ်မှာ မေးထားတဲ့အတွက် ရှင်းပြပေးလိုက်ပါတယ်။
တရားအလှူနဲ့ပတ်သတ်ပြီး မြတ်ဗုဒ္ဓက ဓမ္မပဒပါဠိတော်၊ တဏှာဝဂ်၊ သက္ကပဥှသုတ်မှာ သိကြားမင်းရဲ့ အမေးကို ဖြေကြားပေးထားတာ ရှိပါတယ်။ မြတ်ဗုဒ္ဓမိန့်ကြားခဲ့တာကတော့ “သဗ္ဗဒါနံ ဓမ္မဒါနံ ဇိနာတိ” အလှူတကာ့အလှူထဲမှာ တရားအလှူဟာ အကောင်းဆုံးအမြတ်ဆုံးပါတဲ့။ ဘယ်လိုဟာတွေက ဓမ္မဒါနမည်သလဲဆိုတော့ သူတစ်ပါးအား မိမိသိသမျှ သူတော်ကောင်းတရားများ ဖြန့်ဝေဟောကြားပြောဆို ဆုံးမရေးသားပေးခြင်းဆိုတဲ့ ဓမ္မဒေသနာ၊ သူများဟောကြား ပြောဆိုဆုံးမရေးသားတင်ပြတာတွေကို နာယူမှတ်သား ဖတ်ရှု့ခြင်းဆိုတဲ့ ဓမ္မသ၀နာ၊ ဒီလိုနှစ်မျိုးကို ဓမ္မဒါနလို့ ခေါ်ပါတယ်။
မြတ်ဗုဒ္ဓဟောကြားခဲ့တဲ့ သူတော်ကောင်းတရားတွေကို မနာဘူးဆိုရင် ဘယ်သူမှ ရဟန္တာဖြစ်ပြီး နိဗ္ဗာန်ကို မရောက်ပါဘူးတဲ့။ အဲဒီလိုပါပဲ မိမိသိတာကို သူတစ်ပါးအား ဟောပြောမပေးဘူးဆိုရင်လည်း နောက်လူတွေ နိဗ္ဗာန်ကို မရောက်နိုင်ဘူးတဲ့။ အဲဒါကြောင့် ဒီလိုဟောပြောပေးခြင်း၊ သူများဟောတာကို နာကြားပေးခြင်းဟာ အလွန်တရာတန်ဖိုးရှိလှတဲ့အတွက် ဒါနကောင်းမှုများထဲမှာတော့ အမြတ်ဆုံးဖြစ်ပါတယ်လို့ မိန့်ကြားခဲ့ပါတယ်။ ဒါကတော့ မြတ်ဗုဒ္ဓရဲ့ လိုရင်းကို ပြောပြတာပါ။
အဲဒီတော့ ဒီနှစ်မျိုးထဲမှာ နာကြားခြင်းနဲ့ပတ်သတ်ပြီး သူများနာကြားနိုင်အောင်၊ ဖတ်ရှု့နိုင်အောင်ပြုလုပ်ပေးခြင်း၊ မိမိကိုယ်တိုင်နာကြားခြင်းတို့ ပါဝင်ပါတယ်။ တဖန် ဟောကြားခြင်းနဲ့ပတ်သတ်ပြီး မိမိကိုယ်တိုင် ဟောတာ၊ သူတစ်ပါးဟောနိုင်အောင် လိုအပ်တာများ ထောက်ပံ့ပေးတာတွေကလည်း ဓမ္မဒါနထဲမှာ အကျုံးဝင်ပါတယ်။ ဒါကြောင့် တရားနဲ့ဆိုင်တဲ့အရာတွေ လှူပေးခြင်း၊ တရားဟောနိုင်ရေးနိုင်အောင် ပြုလုပ်ပေးနေတဲ့ပုဂ္ဂိုလ်များရဲ့ လိုအပ်ချက်များကို လှူဒါန်းပေးခြင်း၊ တရားဟောပြောရေးသားနိုင်ဖို့ ပညာသင်နေတဲ့သံဃာများအား ပညာရေးထောက်ပံ့ပေးခြင်းများဟာလည်း ဓမ္မဒါနရဲ့ အကြောင်းတရားတွေမို့ အဲဒါတွေကိုလည်း ဓမ္မဒါနထဲမှာ ထည့်ယူလို့ရပါတယ်။
ဒါနထဲမှာ တခြားဒါနတွေဟာ သူတော်ကောင်းတရား ထွန်းကားအောင် တိုက်ရိုက်လုပ်ဆောင်ပေးတာ မဟုတ်တဲ့အတွက် တိုက်ရိုက်လုပ်ပေးတဲ့အရာဖြစ်တဲ့ ဓမ္မဒေသနာနှင့်ဓမ္မသ၀နာ(၂)မျိုးကို ဒါနထဲမှာတော့ အမြတ်ဆုံးလို့ ပြောရခြင်းဖြစ်ပါတယ်။ ဒါကြောင့် မိမိတို့ဟာ ကောင်းမှုလုပ်မယ်ဆိုရင် မိမိအတွက် အကျိုးပိုမိုရရှိမဲ့အလုပ်မျိုးကို လုပ်တတ်ဖို့ရန် ဗဟုသုတများ ရှာဖွေရမှာဖြစ်သလို မိမိမသိပါကလည်း သူတစ်ပါးအား မေးမြန်းခြင်းများပြုလုပ်ပြီး ဆောင်ရွက်ကြဖို့ လိုပါတယ်။
ဒီနေရာမှာ ဆက်စပ်တာနဲ့ အလှူဒါနနဲ့ပတ်သတ်ပြီး သိမှတ်ဖွယ်ရာအဖြာအဖြာကို တင်ပြပေးလိုက်ပါတယ်။ အလှူဒါနအကြောင်းကို သေချာကျနစွာသိချင်တဲ့ နတ်သားတစ်ဦးဟာ ဘုရားရှင်အား လာရောက်မေးမြန်းတာကို မြတ်ဗုဒ္ဓက ဒီလိုဖြေပေးခဲ့ပါတယ်။ “နတ်သား ခွန်အားဗလကောင်းချင်ရင် အစာရေစာပေးလှူပါ။ ရုပ်ချောချင်တယ်ဆိုရင်တော့ အ၀တ်၊ သင်္ကန်းစတာတွေကို ပေးလှူပါ၊ ချမ်းသာချင်တယ်ဆိုရင် ထီး၊ ဖိနပ်စတဲ့ယာဉ်အလှူကို လှူဒါန်းပါ။ မျက်စိအမြင်ကောင်းအောင်ကတော့ ဆီမီးအလှူကို လှူဒါန်းရမယ်။ စာပေပို့ချမှုတွေ၊ စာပေသင်ယူမှုတွေ၊ အမေးပုစ္ဆာများ ရှင်းလင်းဖြေကြားပေးတာတွေ၊ ကမ္မဋ္ဌာန်းတရားပေးတာတွေ၊ သွန်သင်ဆုံးမ လမ်းပြပေးတာတွေပြုလုပ်ပေးခြင်းများသည် သံသရာဝဋ်က လွတ်ရာလွတ်ကြောင်းဖြစ်လို့ အမြိုက်နိဗ္ဗာန်ကို လှူရာရောက်ပါတယ်။ သာသနာတော်ရဲ့တာဝန်များဖြစ်တဲ့ ပရိယတ္တိ၊ ပဋိပတ္တိလုပ်ငန်းများ အောင်မြင်အောင် တစ်ဖက်တစ်လမ်းကနေ ထောက်ပံ့လှူဒါန်းပေးတဲ့ ဒကာ-ဒကာမတွေဟာ အမြိုက်နိဗ္ဗာန်ကို လှူရာရောက်ပါတယ်တဲ့။
အဲဒီတော့ အားလုံးသော လူသားများဟာ မိမိတို့လက်ထက်သာမက နောင်လာနောက်သားများအတွက်ပါ သူတော်ကောင်းတရားများ နာကြားခွင့်၊ ကျင့်ကြံခွင့်တွေရပြီး သူတော်ကောင်းတရားများ ကမ္ဘာမြေပေါ်မှ ပျောက်ပျက်မသွားအောင် မိမိတစ်ဘ၀စာကောင်းစားရေးထက် ပိုမိုလုပ်ဆောင်ပေးကြဖို့ အထူးလိုအပ်လှပါတယ်။ ဒါကြောင့် အားလုံးမိမိတက်နိုင်တာကို လုပ်မပေးချင်တဲ့စိတ်များကနေ လုပ်ပေးဖြစ်တဲ့စိတ်ဘက်သို့ ဆွဲဆောင်နိုင်ကြပါစေလို့ ဆန္ဒပြုလိုက်ရပေတယ်။
No comments:
Post a Comment