ဒေါသကို ထိန်းချုပ်နည်း

လူတိုင်းကတော့ ဒေါသထွက်လာတဲ့အခါ ပစ္စည်းတွေကို လွှင့်ပစ်တာ၊ ရိုက်ခွဲတာ ဒါမှမဟုတ် တခြားသူကို နာကျင်အောင် ရိုက်နှက် ကန်ကျောက်တာတွေ

 လုပ်ချင်လာ တတ်ကြပါတယ်။ ဒါပေမဲ့ အများစုက ဒီလို မလုပ်ဖြစ်ကြပါဘူး။ ဒေါသကို ထိန်းချုပ်နိုင်ခြင်းဟာ ရင့်ကျက်မှုရဲ့ လက္ခဏာတစ်ရပ်ပါ။

ဒေါသအလျောက် လုပ်လိုက်တဲ့အရာတွေဟာ ကောင်းကျိုးထက် ဆိုးကျိုးကိုသာ ဖြစ်စေနိုင်ပြီး ဒေါသကြီးခြင်းကြောင့် ကျန်းမာရေးကိုလည်း ထိခိုက်စေနိုင်ပါတယ်။

ဒါပေမဲ့ သင်ဟာဒေါသထွက်လာတဲ့အခါ ကိုယ့်ကိုယ်ကိုယ် မထိန်းချုပ်နိုင်လောက်အောင် ဖြစ်သွားတတ်တယ်ဆိုရင် အောက်ပါ အကြံပြုချက်တွေက နောက်တစ်ကြိမ်

သင်ဒေါသထွက်တဲ့အခါ ဒေါသကို ထိန်းချုပ်နိုင်ပြီး သင့်ကိုယ်သင် စိတ်ဓာတ်တည်ငြိမ်အောင်၊ အေးဆေးအောင်နဲ့ အာရုံပြန်စုပြီး ပြန်စဉ်းစားနိုင်အောင် ကူညီပါလိမ့်မယ်။


ဒေါသထွက်စရာ အခြေအနေမှ ရှောင်ထွက်ပါ

သင်ဟာပစ္စည်းတွေကို ကိုင်ပေါက်ချင်လာတဲ့အထိ၊ သင်ဒေါသထွက်နေသူကို ကိုယ်ထိ လက်ရောက် ရိုက်နှက်ချင်လာတဲ့အထိ ဒေါသထွက်နေရင် အဲဒီအခြေအနေမှ

သင့်ကိုယ်သင် ရှောင်ထွက်ပါ။ တချို့လူတွေကတော့ ဒေါသထွက်စရာ အခြေအနေမှ စိတ်ပိုင်းဆိုင်ရာ ရှောင်ထွက်တာမျိုး လုပ်ကြပါတယ်။ ဥပမာ စိတ်မတည်ငြိမ်ခင်

၁ မှ ၁၀ ဒါမှမဟုတ် ၂၀၊ ၃၀ အထိ စိတ်ထဲကနေ ရေတွက်နေတာမျိုးပါ။ ဒီလောက်နဲ့ မရရင်တော့ ရုပ်ပိုင်းဆိုင်ရာပါ ရှောင်ထွက်မှ ဖြစ်ပါမယ်။ အဲဒီနေရာမှ လူကိုယ်တိုင်

ထွက်လာခဲ့ပါ။ သင့်ကိုယ်သင် မထိန်းချုပ်နိုင်တော့တဲ့ အခြေအနေအထိ မဖြစ်ခင် ရှောင်ထွက်တဲ့နည်းကို သုံးတာ အကောင်းဆုံးပါ။


ကာယလှုပ်ရှားမှု လုပ်ပါ

သင်ဟာ ဒေါသထွက်စရာ အခြေအနေမှ ရှောင်ထွက်လာခဲ့ပြီးနောက်မှာလည်း သင့်စိတ်တွေ မတည်ငြိမ်သေးဘဲ ဒေါသထွက်နေနိုင်ပါသေးတယ်။ သင့်ဒေါသတွေကို

ကောင်းမွန်တဲ့နည်းလမ်းနဲ့ ဖွင့်ထုတ်လိုက်ပါ။ အားကစားခန်းမကို သွားပြီး ပြေးစက်ပေါ်မှာ ပြေးတာ၊ လက်ဝှေ့ထိုးလေ့ကျင့်တာ၊ ယောဂကျင့်သင်တန်းမှာ သွားပြီး

ဒေါသပြေတဲ့အထိ ယောဂကျင့်စဉ်ကျင့်တာ၊ သင့်စိတ်ထဲမှာ ရှိတာတွေအားလုံးကို စာရွက်ပေါ်မှာ ရေးချတာ၊ ဂီတာတီးတာ စသဖြင့် သင့်အတွက်

အဆင်ပြေမယ့်အရာတစ်ခုခုကို လုပ်ဆောင်ပါ။ ဒီလိုတစ်ခုခုလုပ်ပြီးတဲ့အခါ သင်ဟာ ခိုင်မာတဲ့ ရလဒ်ကို မြင်ရပါမယ်။ သင့်ကို အန္တရာယ် ရှိတဲ့ ရန်ပွဲထဲကိုရောက်အောင်

 ဆွဲခေါ်သွားနိုင်တဲ့ ဒေါသစွမ်းအင်တွေကို သင်က မှန်ကန်တဲ့ နည်းလမ်းနဲ့ အသုံးပြုလိုက်တာပဲ ဖြစ်ပါတယ်။


ကြိုတင်ကာကွယ်ပါ

လူအများစုမှာ သူတို့ကို ဒေါသထွက်စေတဲ့ အကြောင်းအရာတွေ၊ အဖြစ်အပျက်တွေ၊ လူတွေ ရှိတတ်ကြပြီး ဒါကို ခြေရာခံကြည့်နိုင်ပါတယ်။ သင့်ကို ဒေါသထွက်စေနိုင်တဲ့

တချို့လူတွေ၊ နေရာတွေ၊ အဖြစ်အပျက်တွေကို နားလည်ထားရင် ဒေါသထွက်စရာ အခြေအနေမဖြစ်အောင် ကာကွယ်နိုင်ပါလိမ့်မယ်။ ဒေါသထွက်ရတဲ့ အခြေအနေ

မဖြစ်အောင် ကြိုတင်ကာကွယ်နိုင်တာကို ကာကွယ်ထားပါ။ သင်မကြိုက်တဲ့အရာတွေကို ကြိုတင်ပြောပြထားတာ၊ သင့်ကို ဒေါသထွက်စေနိုင်တဲ့လူတွေ၊ အကြောင်းအရာတွေ၊

 အဖြစ်အပျက်တွေကို ရှောင်ကြဉ်တာတွေဟာ ကောင်းမွန်တဲ့ နည်းလမ်းတွေပါ။

ဒေါသနည်းလို့ စိတ်နှလုံးရွင်လန်းချမ်းမြေ့ကြပါစေ...။

http://chocolatemyotaw.ning.com မှ ကူးယူတင်ပြသည် ။